Փորձարկումներ

1. bmp.hpp - պարունակում է ստրուկտուրաներ, որոնք նկարագրում են bmp ֆայլի մետատվյալները` BITMAPFILEHEADER և BITMAPINFOHEADER, ինչպես նաև BGR ստրուկտուրան, որը նկարագրում է պիկսելը։

2. main.cpp - ֆայլում գրված կոդը բացում է մուտքային bmp ֆայլը, գրում է ֆայլի մետատվյալները համապատասխան ստրուկտուրաների մեջ, այնուհետև տեղադրում է պատկերի պիկսելները երկչափանի զանգվածում։ Ֆայլի վերջին հատվածում գրված կոդը գրում է պատկերը նոր ֆայլում։

1. Նախ անհրաժեշտ է թարգմանել ծրագիրը, օգտագործելով ձեր նախընտրած թարգմանիչը։ Օրինակ ես, օգտագործում եմ g++ թարգմանիչը և ինձ մոտ թարգմանելու հրամանն ունի հետևյալ տեսքը՝

g++ main.cpp -o bmp

2. Փորձեք աշխատեցնել ծրագիրը և կտեսնեք, որ այն ուղղակի մուտքային ֆայլում գտնվող նկարը գրում է ելքային ֆայլում (out.bmp)։

./bmp tower.bmp out.bmp

3. Եկեք փորձենք փոփոխել երկչափ զանգվածում պահվող նկարի պիկսելները և տեսնել թե ինչպե՞ս է փոխվում ելքային նկարը։ Օրինակ, եկեք imageManipulation ֆունկցիայում գտնվող for ցիկլի մարմնում, պիկսելի կանաչ և կապույտ գույներին վերագրել 0 արժեքը։ Նորից թարգմանեք ծրագիրը, աշխատեցրեք և կտեսնեք որ ելքային նկարի բոլոր պիկսելները պարունակում են միայն կարմիր գույնը։

for (int i = 0; i < heigth; ++i) {
  for (int j = 0; j < width; ++j ) {
     image[i][j].blue = 0;
     image[i][j].green = 0;
  }
}

4. Փորձեք փոփոխել ֆայլի մետատվյալները և տեսեք թե ինչպե՞ս է դա ազդում ելքային ֆայլի վրա՝
1. Ի՞նչ կպատահի, եթե փոփոխեք headerInfo ստրուկտուրայի width դաշտի արժեքը։
2. Տպեք էկրանին headerInfo ստրուկտուրայի heigth դաշտի արժեքը։ Կտեսնեք, որ որոշ ֆայլերի համար նկարի բարձրությունը բացասական թիվ է։ Սա նշանակում է, որ ֆայլում պատկերը պահպանված է վերևից ներքև հերթականությամբ։ Ի՞նչ կպատահի ելքային նկարի հետ, եթե փոխեք heigth դաշտի արժեքի նշանը (heigth = -1 * heigth)։